Вчеравечер на летната сцена во центарот на Крива Паланка се одржа традиционалниот Фестивал на староградска музика и песна „Осоговска староградска вечер 2022“.
Настанот, кој е дел од програмата на „Кривопаланечко културно лето“, го организираше Националната установа Центар за култура Крива Паланка, а целокупната организација на манифестацијата е со поддршка од Министерството за култура, Општина Крива Паланка, Локалната установа Градски музеј, како и со поддршка во музичкиот дел од Европската куќа Крива Паланка.