Во галерискиот простор на македонскиот Културно-информативен центар во Белград денеска (10 јуни) во 19:00 часот ќе биде отворена изложбата „Живи артефакти (АР) тистика“, на нашиот мултимедијален уметник Филип Јовески.
Концепциски, изложбата претставува продолжение на првонаградените мултимедијални дела на уметникот од последното издание (2024 година) на реномираното и познато во светски рамки „Остен биенале“.
Изложбата, која е поддржана од Министерството за култура и туризам, ќе ја отвори со пригодна реч директорот на КИЦ во Белград, Васко Шутаров.
Изложбата ќе биде отворена за посетители до 16 јуни.