Во соработка со Археолошкиот музеј на Истра во Пула, од денеска до 1 септември во Археолошкиот музеј на Северна Македонија ќе биде поставена изложбата „Херојската доба на Хистрите“ од проф. д-р Мартина Блечиќ Кавур.
„Изложбата ја претставува приказната за Хистрите кои живееле на истоимениот полуостров во текот на целиот прв милениум пред н. е. и преку нивната материјална култура може да се види нивната интеграција во комуникациската и трговската мрежа со другите соседни региони и заедници кои во тоа време живееле на брегот на Јадранот и во регионот по реката Дунав“, информираат од Археолошкиот музеј.