Од 8 до 18 ноември во Младинскиот културен центар ќе се одржи 48-то издание на театарскиот фестивал „Млад отворен театар“. Во рамките на годинашниот МОТ ќе се реализираат вкупно 29 театарски настани: претстави, работилници, промоции и мастерклас-предавања.
Фестивалот ќе биде отворен со домашна продукција, претставата „Декамерон“ во режија на Мартин Кочовски, на Театарот „Војдан Чернодрински“ од Прилеп.
И оваа година на МОТ ќе биде доделена наградата „Биш“, иницијатива која започна минатата година како дел од заложбите за поддршка и промоција на домашната независна сцена.
Годинашната програма на МОТ е поддржана од Министерството за култура и од Градот Скопје.