Виртуелна изложба на делата на академскиот сликар Роберт Цветковски  

од admin_kult

„Порака“ е насловот на виртуелната онлајн-изложба на академскиот сликар од Крива Паланка, Роберт Цветковски. Изложбата се реализира во соработка со Културно-информативниот центар на Република Северна Македонија во Софија, Република Бугарија, а е поддржана од Министерството за култура.

Поради пандемијата од КОВИД-19, немаше можност делата да бидат поставени во галеријата на КИЦ на РСМ во Софија, но затоа љубителите на ликовната уметност ќе може да ги разгледаат виртуелно: https://robertcvetkovski.wixsite.com/robertcvetkovski/online-exhibition-2020.

Изложбата е селекција на триесет дела од опусот на Цветковски создавани во текот на изминатите четири-пет години. Изложбата беше отворена со онлајн- вклучување на авторот, со видеопрезентација и онлајн-галерија. На линкот поставен на официјалната веб-страница на Цветковски, како и на неговата фејсбук-страница, освен изложбата, може да се видат сите негови дела.

Изложбата „Порака“ ќе биде достапна за јавноста до 30 декември. Ова е втора изложба на Цветковски годинава реализирана на интернационално ниво, по онаа во ноември во Истанбул, Република Турција. Инаку, делата на Цветковски од неговото тридецениско творештво ги има на сите континенти.

Можеби ве интересира:

Leave a Comment

Страницата на Министерството за култура на Р.С.Македонија користи т.н."колачиња" со цел да обезбеди подобро корисничко искуство. Прифати Повеќе