Ministria e Kulturës dhe Turizmit do të mbështesë projekte me qëllim të zhvillimit, promovimit dhe afirmimit të kulturës së Republikës së Maqedonisë së Veriut në Konkurset vjetore për financimin e projekteve me interes kombëtar në fusha të veçanta dhe aktivitete kulturore për vitin 2025.
Edhe këtë vit, regjistrimi elektronik zbatohet plotësisht përmes Portalit nacional për shërbime elektronike.
Ju kujtojmë se konkurset janë në vazhdim kurse afati i fundit për aplikim në Konkurset vjetore skadon më 31 tetor 2024 në orën 15:30.
Për këtë qëllim, si rikujtim për aplikimin dhe për të lehtësuar procedurën e regjistrimit elektronik, Ministria e Kulturës dhe Turizmit ka përgatitur këtë udhëzues që do të lehtësojë procedurën për qytetarët duke shpjeguar hapat për ta bërë më të lehtë regjistrimin elektronik në sistem.
Procedura (hapat) e aplikimit në Konkurset vjetore për financimin e projekteve me interes kombëtar në fusha të veçanta dhe aktivitete kulturore për vitin 2025 nga Ministria e Kulturës dhe Turizmit është si më poshtë:
1. Përmes linkut “Regjistrohu”, ju hyni në Sistemin e hyrjes së vetme (SHV) https://uslugi.gov.mk
2. Për të paraqitur aplikim në Konkurset vjetore, duhet të keni nivel të ulët të profilit. Nëse profili juaj është i nivelit themelor, duhet ta zhvilloni në mënyrat e mëposhtme: me prezencë fizike në sportelet dhe sportelet në të gjithë Republikën e Maqedonisë së Veriut ose në mënyrë elektronike me certifikatë. Më shumë informacione për sportelet dhe zyrat ku mund të përmirësoni profilin tuaj mund të gjeni në linkun e mëposhtëm: https://etu.uslugi.gov.mk/pages/home
3. Pasi të përmirësoni profilin e përdoruesit, do të mund të identifikoheni në Portalin naconal https://uslugi.gov.mk pa ndërprerje.
4. Hapi tjetër është zgjedhja e opsionit Konkurse vjetore për persona juridikë ose opsioni Konkurse vjetore për persona fizik.
5. Pasi zgjidhni nëse do të aplikoni si person fizik apo juridik, sistemi liston të gjitha Konkurset vjetore sipas aktivitetit dhe fushës. Në listën e konkurseve zgjidhni konkursin e duhur në të cilin do të aplikoni, por mos shtypni butonin APLIKO, por hapni lidhjen e konkursit në të cilin do të aplikoni. Në anën e majtë do të shfaqet një meny ku duhet të zgjidhni pikën 5 – Më shumë informacione, më pas zgjidhni Përshkrimi i detajuar i shërbimit ku do të mund të merrni informacione të detajuara për përmbajtjen e konkursit në të cilin do të aplikoni.
6. Pasi të keni marrë informacione të detajuare për përmbajtjen e konkurseve, shtypni butonin APLIKO (vendosur në këndin e djathtë me ngjyrë të kaltër).
7. Fillimisht do t’ju duhet të zgjidhni gjuhën dhe më pas Llojin e projektit. Zgjidhni me kujdes llojin e projektit sepse për çdo lloj projekti ka kushte të ndryshme të veçanta që nënkuptojnë dokumente (prova) të ndryshme të detyrueshme që duhet t’i bashkëngjitni më tej gjatë procesit të aplikimit.
8. Pas zgjedhjes së llojit të projektit, sistemi ju udhëzon për të plotësuar aplikacionin. Sigurohuni që të plotësoni fushat e kërkuara të aplikacionit sipas llojit të projektit tuaj. Pasi të keni plotësuar plotësisht aplikacionin, duhet të shtypni DORËZO. Nëse sistemi nuk ju lejon të shkoni më tej, do të thotë se keni boshllëqe në plotësimin e aplikacionit, të cilat tregohen në fund të aplikacionit me ngjyrë të kuqe.
9. Më pas aplikacioni i plotë për Konkursin vjetor shfaqet si dokument PDF i gjeneruar me të dhënat e vendosura. Pasi të keni kontrolluar të dhënat e vendosura, shtypni Konfirmo, pas së cilës sistemi ju çon në hapin tjetër, BASHKËNGJITJA E DOKUMENTEVE, që nënkupton bashkëngjitjen e dokumenteve individuale që vërtetojnë plotësimin e kushteve të përgjithshme dhe të veçanta (për projektin përkatës të përzgjedhur më parë).
10. Pasi të keni bashkangjitur dokumentet, shtypni Dorëzo dokumente.
11. Dëshmia e aplikimit të dorëzuar me sukses në Portalin nacional (të konkursit) është marrja e njoftimit me numrin PA të aplikacionit tuaj në fushën e njoftimit në profilin tuaj të përdoruesit (shtypni ikonën e ziles), që do të thotë se procesi juaj i aplikimit ka përfunduar me sukses.