Pianisti maqedonas me famë botërore, Simon Tërpçeski, nesër në mbrëmje (e premte, 17 janar) në Timisoara të Rumanisë do të nisë vitin e tij të koncerteve 2025, me performancë orkestrale të projektit “Makedonissimo”. I shoqëruar nga Orkestra simfonike filarmonike Banatul nga Timishoara, nën dirigjentin e Radu Popës, në këtë koncert kuintetin Makedonissimo do të përbëhet nga Vlladimir Kërstev në violinë, Aleksandar Somov në violonçel; në klarinetë, saksofon dhe kaval Hidan Mamudov, ndërsa në goditje do të jetë Vllatko Nushev. Vepra e nxjerrë nga thesari i pasur muzikor tradicional maqedonas përmes aranzhimeve të Pande Shahovit, do të jetë në program së bashku me veprat e Shostakoviç dhe Gershwin.
Siç njofton “KulturOp”, Tërpçeski që të nesërmen do ta fillojë masterin në Konservatorin e Muzikës dhe Baletit në Lubjanë të Sllovenisë ndërsa angazhimet do t’i vazhdojë në shkurt me performancë në Novi Sad si solist me Orkestrën filarmonike të Vojvodinës me dirigjentin Gabriel Bebeshelea, tre koncerte në Baltimor me Orkestrën simfonike Baltimor të drejtuar nga Christian Macellaru dhe dy mbrëmje në Sallën Beethoven në Shtutgart, Gjermani si solist me Orkestrën Filarmonike të Shtutgartit me maestro Jan Willem De Friend pas podiumit të dirigjentit