Teatri Kombëtar i Maqedonisë (TMK) me shfaqjen „Deputeti popullor“, në regji dhe adaptim të Egon Savinit, është selektuar dhe do të marrë pjesë në edicionin e 70-të të Festivalit Teatror „Sterijino pozorje“ në Novi Sad.
Edicioni i këtij viti i festivalit „Sterijino pozorje“ do të zhvillohet nga 26 maji deri më 3 qershor 2025, nën moton „Krijimi i historisë/përmirësimi i së ardhmes“.
Përveç TMK-së, në programin konkurrues do të marrin pjesë gjithashtu: „Teatri i Rinisë i Zagrebit“, „Teatri Kombëtar i Malit të Zi“, „Atelje 212“, „Teatri Dramatik Jugosllav“, „Teatri Kombëtar i Serbisë“ nga Novi Sad dhe teatra të tjerë.