Ministri i Kulturës dhe Turizmit, Zoran Lutkov, sot ka zhvilluar takim me ambasadorin e Malit të Zi, Zoran Miljaniq.
Në takim, Lutkov dhe Miljaniq diskutuan për bashkëpunimin në fushën e kulturës mes dy vendeve që ushqejnë lidhje të shkëlqyera kulturore dhe kjo konfirmohet përmes realizimit të një sërë projektesh në fushën e krijimtarisë aktuale të dy vendeve.
Në këtë kontekst, ministri Lutkov tha se artistët dhe ansamblet interpretuese rregullisht vizitojnë festivalet dhe ngjarjet më të rëndësishme në të dyja vendet. Ai theksoi bashkëpunimin në fushën e veprimtarisë teatrore, duke paralajmëruar vizitën e ardhshme të Teatrit të Dramës në Tivat në kuadër të Unionit Rajonal të Teatrove “RUTA”, si dhe vizitat e Teatrit “Jordan Haxhi Konstantinov-Xhinot” nga Velesi dhe Teatrit Kombëtar të Maqedonisë nga Shkupi në Podgoricë.
Në takim u bisedua edhe për mundësitë e bashkëpunimit në fushën e turizmit pas zgjerimit të kompetencave të Ministrisë në këtë fushë, si dhe bashkëpunimi në fushën e mbrojtjes së trashëgimisë kulturore.