Sekretarja shtetërore në Ministrinë e Kulturës dhe Turizmit, Maria Stançevska-Gjorgova, mbajti fjalim sot në punëtorinë treditore në Muzeun e Luftës Maqedonase, e cila i kushtohet zbatimit të legjislacionit në Maqedoninë e Veriut për forcimin e luftës kundër aktiviteteve ilegale që synojnë trashëgiminë kulturore.
Stançevska-Gjorgova falënderoi për përkushtimin dhe mbështetjen për realizimin e kësaj punëtorie, e cila rezulton nga trajnimi i mbajtur me sukses në korrik të këtij viti në Shkup në kuadër të projektit “Lufta kundër tregtisë së paligjshme të mallrave kulturore në Ballkanin Perëndimor”, financuar nga Komisioni Evropian kurse zbatohet nga UNESCO përmes Byrosë rajonale për shkencë dhe kulturë në Evropë, me seli në Venecia dhe Zyrës në Sarajevë.
“Me projektin, qëllimi primar i të cilit është koordinimi dhe qasja e integruar ndërmjet të gjithë faktorëve në luftën kundër tregtisë ilegale të trashëgimisë kulturore në nivel rajonal dhe ndërkombëtar, konfirmojmë edhe një herë përkushtimin dhe unitetin tonë për mbrojtjen dhe ruajtjen e pasurisë kulturore”, theksoi para të pranishmëve sekretari shtetëror në Ministrinë e Kulturës dhe Turizmit.
Duke theksuar se pjesëmarrësit e punëtorisë së mëparshme arritën në përfundimin se nuk janë ndërmarrë të gjitha masat në nivel kombëtar për qasje të koordinuar dhe integruese që do të siguronte mbrojtje më të madhe të sigurisë së trashëgimisë kulturore, Stançevska-Gjorgova informoi se aktivitetet kanë për qëllim forcimin institucional dhe ngritjen e një rrjeti ndërinstitucional, përmes të cilit do të ndërmerren aktivitete të koordinuara për të parandaluar shkatërrimin e trashëgimisë kulturore. Ajo bëri të ditur se në periudhën e ardhshme Qeveria dhe Ministria përkatëse do të fokusohen në forcimin e mbrojtjes së sigurisë së trashëgimisë kulturore.
“Duke forcuar kapacitetet për të luftuar aktivitetet ilegale me të mirat kulturore, duke aplikuar dispozita të qarta ligjore, seminari do të kontribuojë në krijimin e një rrjeti ndërinstitucional në të cilin Ministria e Kulturës dhe Turizmit, Ministria e Brendshme, Ministria e Drejtësisë, Drejtoria e doganave, institucionet, muzetë, galeritë dhe qendrat konservatore”, tha Stançevska-Gjorgova, duke theksuar se një komponent i rëndësishëm në luftën kundër tregtisë ilegale të trashëgimisë kulturore, por edhe në parandalimin dhe dënimin e veprimtarive të paligjshme ndaj trashëgimisë kulturore, janë edhe prokuroritë edhe gjykatat kompetente.
Ajo ka treguar edhe zbatimin e konventave ndërkombëtare në fushën e mbrojtjes së trashëgimisë kulturore.
“Do të theksoj se vendi ynë, kandidat për anëtarësim në Bashkimin Evropian, tregon përkushtim serioz në respektimin e konventave ndërkombëtare, si dhe të dokumenteve të tjera të rëndësishme evropiane në fushën e mbrojtjes së trashëgimisë kulturore”, tha Stançevska-Gjorgova.
Në hapje të punëtorisë, të pranishmit përshëndetën Alma Mrgan-Slipiceviq nga Byroja rajonale për shkencë dhe kulturë e UNESCO-s në Evropë dhe Vesela Çestoeva, drejtoreshë e Administratës për mbrojtjen e trashëgimisë kulturore.
Punëtoria treditore i kushtohet ndërtimit të kapaciteteve për përmirësimin e kornizave legjislative për trashëgiminë kulturore për kategori të ndryshme të partnerëve kryesorë institucional dhe faktorëve të tjerë kombëtarë. Të pranishëm janë ekspertë vendas, përfaqësues nga Ministria e Kulturës dhe Turizmit, Administrata për Mbrojtjen e Trashëgimisë Kulturore, Ministria e Punëve të Brendshme (shërbimi policor), Drejtoria e doganave, Prokuroria Publike dhe gjyqësori si dhe si ekspertë të punësuar nga institutet, muzetë, galeritë, qendrat e konservimit dhe ekspertë nga organizatat përkatëse joqeveritare.