Në koreografi të Irena Lozinska, bazuar në motive nga krijimtaria e Kafkës, sonte në orën 20 do të shfaqet shfaqja “Përralla të pakohë”. Kjo është shfaqja e dytë e Javës së teatrit të pavarur, e cila u hap mbrëmë me shfaqjen “Evolucioni i dhunës” nga “Artema”.
Bashkëpunëtor muzikor dhe kompozitori i “Përralla të pakohë” është Enes Begovski ndërsa për video- artin është kujdesur Dorian Milovanoviq. Luajnë Isidor Jovanoski, Ana Levajkoviq Boshkov, Hakan Daci dhe Nella Pavllovska.
Është shfaqje në të cilën, përmes stileve të ndryshme kërcimi, kërcimit bashkëkohor, teknikës Butoh, improvizimit, detyrave të aktrimit dhe tekstit të vetë autorit, përmes koreografisë, lëvizjeve skenike dhe një lloji tjetër teatri, katër aktorët interpretojnë një pjesë të veprës së Kafkës.
Performanca është pasuruar me video-projeksione dhe muzikë live nga interpretuesi i muzikës ambientale me instrumentin e tij të goditjes Handpan.