Qendra Kulturore Informative – Shkup ka shpallur konkurs duke ftuar të gjithë muzikantët dhe artistët nga fusha të ndryshme të aplikojnë për ngjarjen “Tingulli i Shkupit” për vitin 2025.
“Palët e interesuara duhet të dorëzojnë aplikim në dokument Word me biografi të shkurtër, përshkrim të projektit dhe çdo material që lidhet me projektin (linqe, foto, udhëzime teknike, etj). Dokumentacioni i nevojshëm duhet të dërgohet në adresën e email-it info@kic.mk me subjektin “Për TINGULLIN E SHKUPIT”. Konkursi do të zgjasë deri më 2 maj 2025, thonë organizatorët.
Fondet për projektet e përzgjedhura sigurohen nga Qyteti i Shkupit dhe Ministria e Kulturës dhe Turizmit.