Për nder të 2 Prillit – Ditës Botërore të Letërsisë për Fëmijë, Biblioteka Kombëtare “Grigor Prlicev” organizon ngjarje interaktive interesante që ndërthur letërsinë dhe vizatimin.
E ftuar do të jetë poetja Svetllana Kallanoska-Kotevska nga Ohri, ndërsa në kuadër të manifestimit do të promovohen përmbledhjet e saj me poezi për fëmijë “Natyra është e bukur me murmuritjen e ujit” dhe “Të rritemi së bashku”, botuar nga Biblioteka në vitin 2024. Më herët në kuadër të promovimit do të mbahet punëtori figurative.
2 Prilli, Dita e Letërsisë për Fëmijë, u festua për herë të parë në vitin 1967 dhe që atëherë, çdo vit bota ka promovuar dashurinë e fëmijëve për leximin dhe ka theksuar rëndësinë e librit. Kjo datë shënon edhe ditëlindjen e Hans Christian Andersen, autorit të famshëm danez, i njohur për vepra të tilla si “Rosa e shëmtuar”, “Sirena e vogël”, “Vajza me shkrepës” e shumë të tjera.