“Literatura.mk” dhe shtëpia botuese “Ars Lamina” sot nga ora 19:00 në “Diamond Mall” do të organizohet mbrëmje letrare kushtuar akademikut Vllada Urosheviq, e cila do të shënojë 90 vjetorin e lindjes së këtij poeti maqedonas, tregimtar, romancier, kritik letrar, eseist, antolog, përkthyes dhe profesor në pension në Fakultetin Filologjik në USHKM.
Ngjarja titullohet “Histori e vërtetë por jo shumë e mundshme për Prof. Urosheviq për fakultetin rreth Vardarit dhe për katër studentët”, për t’i bërë nderime akademikut Urosheviq.
Për veprën, ndikimin, mentorimin dhe miqësinë letrare do të flasin katër studentë të tij Lidija Kapushevska-Drakulevska, Sonja Stojmenska-Elzeser, Vlladimir Martinovski dhe Vlladimir Jankovski, ndërsa moderatore do të jetë shkrimtarja Olivera Qorveziroska.
“Ars Lamina” botoi romanin e Urosheviqit – “Një histori e vërtetë, por jo shumë e mundshme e familjes Pustopolski, e shtëpisë pranë Vardarit dhe e katër unazave”, e cila mori çmimin prestigjioz “Romani i vitit” dhe në kuadër të “Edicionit të klasikëve letrarë maqedonas” kjo shtëpi botuese ribotoi edhe tre tituj të përhershëm të Urosheviqit: “Shija e pjeshkës”, “Kushërira ime Emilia” dhe “Nusja e Dragoit”.