Muzeu i Artit Bashkëkohor MAB- Shkup është bërë anëtar i rrjetit ballkanik të muzeve, ku janë anëtarë rreth 100 muze nga Ballkani, organizata të shumta civile dhe rreth 200 individë nga sektori i kulturës.
Misioni i RBM-së është i përqendruar në muzetë e Ballkanit dhe nënkupton mbështetjen dhe zhvillimin e liderëve kreativ në muze, përfaqësimin e muzeve me përgjegjësi shoqërore, të cilët nxisin mësimin, bashkëpunimin dhe përparimin e ndërsjellë, një hap përpara, duke përdorur trashëgiminë e përbashkët të Ballkanit, si themel për brezat e tanishëm dhe të ardhshëm.
Rrjeti Ballkanik i Muzeve afirmon, ruan dhe ndan trashëgiminë komplekse të përbashkët kulturore të Ballkanit dhe nëpërmjet bashkëpunimit të ndërsjellë rrit rëndësinë e muzeve.
Vizioni i rrjetit është të promovojë muzetë si institucione të të mësuarit, zbulimit, frymëzimit dhe si agjentë të ndryshimit shoqëror – në pronësi dhe të mbrojtur nga shoqëria, të hapura për të gjithë.