Pavijoni i Republikës së Maqedonisë së Veriut do të hapet zyrtarisht sot në hapësirën ekspozuese Arsenale – Sale d’Armi në Venecia, si pjesë e Ekspozitës së 19-të Ndërkombëtare të Arkitekturës – Bienalja e Venedikut. Projekti “STRADA BRUTALISSIMA”, i kuruar nga Bllagoja Bajkovski, është vepër autoriale e kuratores dhe ekipit të përbërë nga Ana Rafailovska, Nevenka Mancheva Axhievska, Marija Antiq Nikollova, Tea Damjanovska dhe Mihajllo Stojanovski. Kuratore të ekspozitës janë Maja Nedellkovska Brzanova dhe Frosina Zafirovska, njoftoi Galeria Kombëtare e Republikës së Maqedonisë.
“STRADA BRUTALISSIMA” është projekt me interes kombëtar në kulturë në fushën e bashkëpunimit ndërkombëtar për pjesëmarrjen e Republikës së Maqedonisë së Veriut në Ekspozitën e 19-të Ndërkombëtare të Arkitekturës – Bienalja e Venedikut dhe financohet nga Ministria e Kulturës dhe Turizmit. Projekti është organizuar nga Institucioni Kombëtar Galeria Kombëtare në bashkëpunim me Fakultetin e Arkitekturës-Shkup në Universitetin “Shën Kirili dhe Metodi” në Shkup dhe mbështetur nga Oda e Arkitektëve të certifikuar dhe Inxhinierëve të certifikuar.