Në hollin e Operës dhe Baletit Kombëtar do të zhvillohet në mbrëmje një event ekskluziv gala me titull “Gratë e Puccinit” në kuadër të projektit “Muaji i Puccinit”.
Publiku do të ketë një mundësi unike për të shijuar interpretimet e disa prej arieve më të spikatura dhe më të njohura nga kompozitori i madh italian Giacomo Puccini. Në gala manifestimin ekskluziv do të interpretojnë solistët tanë të operës: Vesna Gjinovska Ilkova, Sandra Mitrovska, Pavlina Novakova Georgiev, Zlata Toshevska, Aleksandra Lazarevska Vasilevski, Katerina Stojanovska, Biljana Josifov dhe Ilina Mitrevska, me shoqërim në piano. Drejtor i manifestimit është Dejan Proshev.
Në holl është ngritur një ekspozitë nga arkivi i pasur i Operës dhe Baletit Kombëtar, me titull “Puccini përmes historisë së OBN”.
– Ne si institucion kemi përgjegjësinë për të kultivuar artin dhe për t’ua përcjellë brezave të ardhshëm. Ne jemi të përkushtuar për të pasuruar skenën kulturore të vendit përmes repertorit dhe eventeve të përshtatura për të gjitha moshat. Ky event përfaqëson kulmin e ofertës sonë kulturore vjetore dhe mundësi për t’u shoqëruar me artistët dhe ekipin krijues të Operës Kombëtare në një atmosferë të jashtëzakonshme, thonë nga Opera dhe Baleti Kombëtar.