Në Qendrën Kulturore-Informative të Republikës së Maqedonisë së Veriut në Stamboll nesër (05.12.2024) në ora 18:00 do të hapet ekspozita kushtuar jetës dhe veprës së Nënë Terezës.
Ekspozita, e cila organizohet nga Shtëpia Përkujtimore e Nënë Terezës dhe QKI-ja maqedonase në Stamboll, synon të sjellë më afër audiencës rrugën e jashtëzakonshme jetësore të shenjtores dhe humanistes së njohur, shpirti dhe misioni i të cilës mbeten frymëzim për njerëzimin.
Ekspozita do të prezantojë historinë e Nënë Terezës përmes 17 “roll-banerave” dhe kolazhe, që përshkruajnë fëmijërinë, rininë e saj në vendlindje, familjen dhe miqtë e saj të ngushtë. Publiku do të ketë mundësinë të shohë etapat e jetës së Nënë Terezës, duke përfshirë kohën e kaluar në Motrën Loreto në Indi, formimin e “Misionareve të Bamirësisë”, foto nga vizitat e saj në Shkup, momentet e lumturimit dhe kanonizimit, si dhe foto nga varrimi . Do të ekspozohen kopje të çmimeve dhe dokumenteve të rëndësishme dhe do të shfaqen dokumentarë për jetën e saj.