Fakulteti i Arteve të Dramës organizon edicionin e dytë të festivalit të filmit studentor “HI-FI” i cili fillon nesër.
“HI-FI” është platformë ndërkombëtare filmash e krijuar nga studentët për studentët. Ai shërben si “trampolinë” për promovimin e studentëve nga departamentet e filmit në zhvillimin e tyre në profesionistë.
Programi për edicionin e dytë do të fillojë në Skenën Akademike me “Meet the new kids”, aktivitet i dedikuar për prezantimin e brezit të ri të regjisorëve nga Fakulteti i Arteve të Dramës. Për më tepër, festivali do të hapet zyrtarisht me kinemanë në qiell të hapur- shfaqje e filmit kult “HI-FI” me regji nga Vlladimir Bllazhevski në parkingun midis FAD dhe Fakultetit të Inxhinierisë Mekanike/Elektrike.
Hyrja në të gjitha ngjarjet është falas. Programi dhe orari i gjenden në rrjetet sociale të “HI-FI” dhe Skenës Akademike.