Jon Deakonesku nga Rumania, Zoran Pejkovski nga Maqedonia dhe Nikolla Shimiq Tonin nga Kroacia janë fituesit e sivjetmë të çmimit ndërkombëtar “Mendimi i Goces”, i cili ndahet me rastin e 4 shkurtit, ditëlindjes së Goce Dellçevit, për angazhim dhe kontribut në planin e afirmimit dhe prezantimit të letërsisë dhe kulturës maqedonase jashtë vendit.
Çmimi ndahet nga Fondacioni për afirmim dhe prezantim kulturor dhe shkencor “Macedonia present”. Ceremonia e ndarjes së çmimeve është pjesë e manifestimit tradicional ndërkombëtar “Festivali i çajit dhe leximit”, i cili këtë vit fillon më 4 shkurt dhe do të përfundojë më 8 mars.