Në pajtim me nenin 62 të Ligjit të Kulturës (“Gazeta Zyrtare e Republikës së Maqedonisë” nr. 31/98, 49/03, 82/05, 24/07, 116/10, 47/11, 51/11, 136/12, 23/13, 187/13, 44/14, 61/15, 154/15, 39/16 dhe 11/18), Ministria e Kulturës dhe Turizmit sot, e hënë (3.2.2025) në faqen e saj (www. kultura.gov.mk) i shpalli rezultatet e konkurseve vjetore për financimin e projekteve me interes nacional në fusha dhe aktivitete të caktuara të kulturës për vitin 2025.
Konkurset vjetore për mbështetjen e projekteve me interes nacional në kulturë për vitin 2025 kanë zgjatur nga 30 shtator 2024 deri më 5 nëntor 2024.
Regjistrimi për konkurset vjetore u bë në mënyrë elektronike përmes platformës nacionale “E-shërbime” kurse afati u vazhdua për pesë ditë.
Në sistem janë evidentuar 2888 raporte të dorëzuara nga: persona juridikë dhe fizikë, njësitë e vetëqeverisjes lokale, shoqata, sindikata, shoqëri tregtare, ndërmarrje individuale dhe persona të tjerë juridikë të regjistruar në Republikën e Maqedonisë së Veriut në pajtim me ligjin.
Kriteret dhe matjet në bazë të të cilave janë vlerësuar projektet sipas aktiviteteve individuale janë përfshirë në Udhëzuesin për përcaktimin e llojeve të projekteve, prioriteteve, kushteve për pjesëmarrje, matësve dhe kritereve për vlerësimin e projekteve të përfshira në konkursin vjetor për financimin e projekteve me interes nacional sipas aktiviteteve individuale dhe aktiviteteve për vitin 2025.
Vlerësimi i projekteve është bërë nga komisionet profesionale në bazë të plotësimit të kushteve të përgjithshme dhe të veçanta të konkurseve sipas fushave dhe aktiviteteve në kulturë.
Fokus i punës së komisioneve ishin:
- cilësia e përmbajtjes së projektit (kreativiteti, origjinaliteti, ndikimi i pritur, rëndësia, inovacioni dhe dukshmëria);
- arritjet artistike ose profesionale të bartësve dhe pjesëmarrësve të projektit si dhe mirënjohjet, çmimet dhe kritikat për arritjet e mëparshme;
- arsyetimi financiar gjegjësisht parashikimi real i shumës së përgjithshme të kërkuara për zbatimin e projektit si dhe raporti real midis shumës së burimeve financiare për honorarët dhe shumës së mjeteve për shpenzimet e tjera për realizimin e projektit.
Rezultatet e publikuara të konkurseve përmbajnë informacione për: bartësin e projektit, titullin e projektit dhe mjetet e miratuara për realizimin e projektit.
Përveç rezultateve të publikuara në faqen e internetit, aplikuesit në konkurset vjetore do të njoftohen edhe në mënyrë elektronike.
Subjektet, projektet e të cilëve përzgjidhen në konkurset vjetore, pas marrjes së vendimeve, do të lidhin marrëveshje për financimin e një projekti me interes nacional në kulturë me Ministrinë e Kulturës dhe Turizmit në pajtim me Ligjin e Kulturës.
Në pajtim me nenin 65 paragrafi (5) të Ligjit të Kulturës, kundër vendimit mund të parashtrohet ankesë në Komisionin shtetëror për vendimmarrje në procedurë administrative dhe procedura e marrëdhënies së punës në shkallë të dytë në afat prej 15 ditë nga dita e pranimit të aktvendimit. Ankesa nuk e pezullon zbatimin.
Në përputhje me Ligjin e Kulturës, projektet e përzgjedhura në Konkurset Vjetore për vitin 2025 duhet të realizohen në përputhje me afatin e përcaktuar në kontratë.
PROJEKTET E MBËSHTETURA NË KONKURSIN ME INTERES NACIONAL PËR VITIN 2025
VEPRIMTARITË NË FUSHËN E KULTURËS DHE ARTIT
VEPRIMTARIA MUZIKORE DHE MUZIKO-SKENIKE
ARTET VIZUALE, ARKITEKTURË DHE DIZAJN
MBROJTJES SË TRASHËGIMISË KULTURORE
VEPRIMTARINË MUZEORE DHE MBROJTJEN E TRASHËGIMISË KULTURORE JOMATERIALE
TRASHËGIMINË KULTURORE TË PALUAJTSHME DHE MBROJTJEN E PASURIVE AUDIOVIZUALE
ANËTARËT E KOMISIONEVE PROFESIONALE