Koncerti tradicional me rastin e festës “Shën Vasili” këtë vit do të mbahet në datat 11 dhe 13 janar, me fillim nga ora 20:00, në Operën dhe Baletin Kombëtar.
Publiku do të ketë mundësinë të shijojë interpretimet e disa prej arieve dhe duetet më të spikatura dhe më të njohura nga veprat me famë botërore të kompozitorëve J. Verdi, F. Kilia, J. Puccini, P. Mascagni, G. Donizetti dhe të tjerë.
Nën udhëheqjen e të ftuarit nga Spanja, Oliver Diaz, fitues i shumë çmimeve dhe mirënjohjeve prestigjioze, do të performojnë të ftuarit nga Spanja, Irene Palazon, soprano dhe Jose Luis Sola, tenori, së bashku me orkestrën e Operës dhe Baletit Kombëtar.