Në skenën e madhe të Teatrit Kombëtar të Maqedonisë dje dhe sot (16 dhe 17 dhjetor) nga ora 20:00 janë dy shfaqjet kryesore të shfaqjes “Imagjinoni botë të re”, bazuar në motive nga veprat e Goran Stefanovskit.
Shfaqja trajton tema të përjetshme të komunitetit tonë, të ndërthurura me njëra-tjetrën dhe të treguara përmes personazheve të njohur të dramave të Stefanovskit.
Në “Imagjinoni botë të re” shfaqen aktorë të brezave të ndryshëm dhe secili prej tyre interpreton disa role njëherësh. Kasti që del në skenë përbëhet nga Verica Nedeska, Damjan Cvetanovski, Igor Angellov, Filip Trajkoviq, Nina Dean, Ana Jovanovska, Stefan Spasov dhe Antonio Tashkovski. Shfaqja është nën regjinë e Nella Vitosheviqit, bazuar në dramatizimin e Ana Ristoska-Tërpenoska. Në pjesën kreative janë përfshirë edhe kompozitori Ognen Anastasovski, skenografi Kostantin Tërpenoski dhe kostumografja Roza Trajçevska-Ristoska.
Ky është projekti i gjashtë pas fillimit të sezonit të ri teatror të Teatrit Kombëtar të Maqedonisë, këtë herë në produksion të “Sektor film” dhe bashkëprodhim i Teatrit Kombëtar të Maqedonisë, ndërsa producentë janë Vlladimir Anastasov dhe Angella Nestorovska.