Në periudhën prej 15 deri më 17 shtator, në Shkup do të mbahet edicioni i 12-të i Festivalit Letrar Ndërkombëtar “PRO-ZA Balkan”. Mysafirë të festivalit do të jenë pesëmbëdhjetë shkrimtarë, botues, redaktorë nga rajoni dhe më gjerë.
Hapja zyrtare e festivalit është të dielën (15 shtator) në orën 20:00 në hamamin e Daut Pashës, me një bisedë me Boris Dezhuloviq, Rene Karabash dhe Zvezdan Georgievski. Me autorët do të bisedojnë Aleksandar Prokopiev dhe Ermis Lafazanovski.
Fituesi i sivjetshëm i çmimit “Prozart” për kontributin e autorit në zhvillimin e letërsisë në Ballkan është shkrimtari serb, Vladimir Pishtalo.