Teatri “Vojdan Çernodrinski” me shfaqjen “Hamleti” të Shekspirit, në regji të Branko Brezovecit, sonte (10 shtator) merr pjesë në teatrin “Gavela” në Zagreb të Kroacisë. Vizita është në kuadër të manifestimit “Eurijal 2024”, i cili realizohet në dy periudha. Në periudhën e vjeshtës, “Eurijal 2024” hapet me shfaqjen e teatrit të Prilepit, i cili, siç bëhet me dije nga ky institucion kombëtar, hap një lexim të radikal të kryeveprës së Shekspirit.
“Hamleti” është bazuar në tragjedinë e Villiam Shekspirit, duke përdorur dramat “Në oborrin e vogël” të Stanisllav Ignacij Vitkieviç dhe “Nder” nga Vasil Iljoski. Branko Brezovec është regjisor, ndërsa Susana Brezovec është përgjegjëse për kostumet. Në shfaqje marrin pjesë: Zoran Ivanoski, Dimitar Gjorgjievski, Andon Jovanoski, Daniela Ivanoska, Marija Spirkoska Ilijeska, Igor Trpçeski, Ilija Volçeski, Aleksandar Todeski, Mihajlo Milenkoski, Violeta Çakarova, Natasha Açanski dhe Ana Mitoska.
Teatri “Vojdan Çernodrinski” deri më tani ka marrë pjesë disa herë në Zagreb, me shfaqjet “Antika” dhe “Glembaevi, një tjetër legjendë”, në kuadër të festivalit “Eurokaz”.