Në Strugë është duke u zhvilluar Shkolla Verore Ndërkombëtare “Kurimi në kontekst”, e cila do të zgjasë deri më 31 gusht.
Siç informojnë organizatorët nga organizata “Lokomotivë”, edicioni i katërt i shkollës ofron platformë unike për rimendimin e praktikave kuratoriale në artin bashkëkohor dhe më gjerë.
Edicioni i sivjetshëm numëron shtatë pjesëmarrës të cilët do të angazhohen në një sërë punëtorish, ligjeratash dhe projektesh bashkëpunuese kurse ligjëratat do të jenë të hapura për publikun.
Paralelisht me shkollën verore, “Lokomotiva” do të presë edhe shkollën modulare, e organizuar në bashkëpunim me “Nomad Dance Academy Croatia”, me të cilën pjesëmarrësit do të kenë shkëmbime.
Shkolla modulare është një program i fokusuar në fushën e arteve skenike dhe kërcimit bashkëkohor dhe bashkon pesë pjesëmarrës të cilët do të angazhohen në një shkëmbim të pasur idesh dhe praktikash me pjesëmarrësit e shkollës verore.
Përveç punëtorive dhe ligjeratave, pjesëmarrësit do të angazhohen në projekte bashkëpunuese, punë individuale dhe vizita në vende të rëndësishme kulturore si fshati Vishni, organizuar nga INKA – Iniciativa për Aktivizëm të Pavarur Kulturor.
Shkolla verore ndërkombëtare “Kurimi në kontekst” 2024 mbështetet nga Ministria e Kulturës së Maqedonisë së Veriut, Instituti Goethe – Shkup, Fondacioni Heinrich Böll dhe Projekti Performance Situation Room / LLB 3 i mbështetur nga Creative Europe.