Në kuadër të festivalit “Vera e Shkupit”, orkestra e Institutit FAME’S do të mbajë në mbrëmje nga ora 20:30 në Suli Han koncertin e titulluar “Historia amerikane” ku soliste do të jetë violinistja amerikane me origjinë rumune Irina Muresanu. Veprat e njohura klasike të kompozitorëve amerikanë do të interpretohen nën drejtimin e dirigjentit Scott Flavin nga SHBA.
Siç njofton organizatori i festivalit, Drejtoria për Kulturë dhe Arte-Shkup (DKASH), ndër veprat që do të interpretohen në koncert janë “West Side Story” e Bernstein, në version për violinë dhe orkestër, dhe ajo e Copland “Appalachian Spring” si dhe kompozime të njohura nga Scott Joplin dhe Henry Mancini.