Në mbrëmje në ora 20:30 para pllajës së Shtëpisë së Oficerëve në Manastir, në kuadër të etnofestivalit ballkanik “Llokum Fest”, do të performojë grupi “Sinafi Trio”.
Grupi “Sinafi Trio” u themelua nga tre muzikantë grekë të cilët u njohën në Stamboll të Turqisë. Treshja përfshin Fotini Kokala – kanun, Marina Liontou – ud dhe Elena Mudiri Hasiotou – vokal dhe perkusion.
Në edicionin vjetor të Llokum Fest, kuarteti folktronik italian “Folkatomic” do të performojë në mbrëmje nga ora 22:30. Anëtarë të kuartetit janë Daniele Lee Bassi – kitarist, DJ dhe producent; Franco Montanaroe – këngëtar, baterist dhe perkusionist; multi-instrumentalisti Oreste Forestieri i bie flautit, instrumenteve me kallam, daulleve dhe plektrumit; Valerija Kvarta – këngëtare (opera, jazz, soul, blues) e specializuar në muzikën tradicionale nga Pulia.
Festivali financohet nga Ministria e Kulturës dhe Komuna e Manastirit.