– Sot në ambientet e Shtëpisë Evropiane në Strugë do të shpallet fituesi i çmimit “Mllada Struga” për vitin 2024. Ky çmim i jepet përmbledhjes më të mirë poetike të pabotuar nga një autor i ri debutues, nga mosha 18 deri në 30 vjeç.
Çmimi ndahet në kuadër të Festivalit “Mbrëmjet strugane të poezisë” (MSP), në bashkëpunim me Shtëpinë Evropiane dhe me mbështetjen e Delegacionit të Bashkimit Evropian në vend.
Konkursi për çmimin e poezisë “Mllada Struga” për vitin 2024 u shpall më 9 maj dhe u hap më 14 qershor.
Këtë vit çmimi “Mllada Struga” është rinovuar përmes bashkëpunimit të “Mbrëmjeve strugane të poezisë” me Delegacionin e BE-së, i cili nga ky vit do të jetë mbrojtës i çmimeve “Enhalon” dhe “Mllada Struga” përmes Shtëpisë Evropiane- Strugë, anëtari më i ri i rrjetit të Shtëpisë evropiane.
Përveç shumës monetare, çmimi përfshin edhe botimin e përmbledhjes poetike në kuadër të edicioneve të mbrëmjeve strugane të poezisë dhe pjesëmarrjen në Festival, sipas shembullit të konkursit të dikurshëm të Rinisë Letrare të Maqedonisë.