Shfaqja “Mbledhësit e pendëve” me regji të Dejan Projkovskit, e prodhuar nga Teatri Kombëtar Serb nga Novi Sadi, fitoi çmimin e parë në festivalin e njohur “Teatri në kala” në Smederevë. Në këtë festival tradicional, i cili mbahet prej 11 vitesh, publiku vlerësoi shfaqjet.
– Në konkurrencë serioze ishin pesë shfaqje dhe nota më e lartë (4.81) në festivalin e sivjetmë, ku publiku pati mundësinë të shprehte përshtypjet e veta për shfaqjet që kishte parë, me vlerësim dhe votim, e mori shfaqjen “Mbledhësit e pendave” në produksion të Teatrit Kombëtar Serb nga Novi Sadi, me regji të Dejan Projkovskit – thuhet në njoftimin zyrtar të festivalit.
Premiera e shfaqjes “Mbledhësit e pendëve” u zhvillua nëntorin e kaluar në Novi Sad. Shfaqja është bazuar në tekstin e Aleksandar Petroviqit, sipas të cilit është xhiruar filmi me të njëjtin emër, fitues i çmimit “Grand Pri” në Festivalin e Kanës në vitin 1967. Dramaturgjia dhe përshtatja janë të Sasho Dimovskit, skenografi është Valentin Svetozarev, kompozitor është Oliver Josifovski, i cili e interpreton muzikën live me orkestër në skenë. Në shfaqje luajnë 30 aktorë të SNP, mes të cilëve Marko Saviq, Marta Beres, Milan Kovaçeviq, Aleksandar Gajin, Jovana Ballasheviq e të tjerë.