На сцената на Националната опера и балет вечер ќе биде изведена операта „Кавалерија рустикана“ од италијанскиот композитор Пјетро Маскањи.
Изведбата на операта е под диригентската палка на украинската диригентка Оксана Мадараш, а во режија на Џандоменико Вакари од Италија. Сценограф е Зоран Николовски, костимограф е Елена Дончева, концерт-мајстор е Верица Ламбевска, хор-мајстори се Ѓургица Дашиќ и Јасмина Ѓорѓеска.
Настапуваат Сандра Митровска, Зоран Сотиров, Ристе Велков, Катерина Стојановска и Марика Поповиќ во придружба на хорот и оркестарот од Националната опера и балет.