Оркестарот на Филхармонијата на 30 и 31 јануари (четврток и петок) со почеток во 12:00 часот, преку организирана училишна посета, ќе одржи два концерта за деца со наслов „Имате ли ритам?“. Диригент е маестро Виктор Митревски, а аниматор е актерот Мартин Јорданоски, кој ќе ги воведе децата во тајните на ритамот и неговата разновидност.
Посетителите ќе имаат можност да слушнат композиции од класичната, но и од модерната музичка литература, во кои акцент е ставен токму на ритмичкиот импулс – дела од Смокварски, Калифе, Андерсон, Бернштајн, Штраус, Де Фаља.
Концертот ќе ги донесе звуците и ритмите на нашата земја, на Либан, Куба, Шпанија…