Во НУ Музеј на македонската борба за самостојност денеска со почеток во 12:00 часот ќе биде промовирана публикацијата „Циклус цртежи Мариово 1936 од Борко Лазески“.
Изданието содржи цртежи што Лазески ги создавал во 1936 година, инспириран од пејзажот, традицијата и културата на Мариово. Публикацијата вклучува репродукции на цртежите, критички текстови и историски осврти.
Промоцијата се организира во соработка со Здружението ИКОН, а изданието е поддржано од Министерството за култура и туризам.