Филип Стевановски, директор на Центрот за култура “Ацо Шопов” во Штип е еден од загинатите во трагичната несреќа која настана по избувнување на пожар во дискотеката „Пулс“ во Кочани.
„Иако неговиот мандат како директор беше краток, само два месеци, Филип со својата посветеност и професионализам остави значајна трага. Тој беше многу повеќе од директор — беше и продуцент, пијанист, тромбонист и композитор, а неговиот талент беше вистинска инспирација за сите нас. Како наставник и ментор, неговото влијание ќе продолжи да живее во срцата на сите кои имаа чест да учат и работат со него“, напиша министерот за култура и туризам, Зоран Љутков на својот фејзбук профил.