Во пресрет на Велигден, в среда (16 април) во 20 часот Ансамблот за народни игри и песни „Танец“, традиционално, со спектакуларен концерт во Националната опера и балет, го одбележува овој верски празник, длабоко вкоренет во македонската духовна и културна дефиниција.
Во програмата се најавени изведби на стилизирани кореографии на ората „Мијачко“, „Поречки игри“, „Кавадарка“, „Преспански игри“, „Драчевка“, како и изведба на „класични“, изворни народни песни од солистите Сузана Спасовска, Драган Николовски, но и машки и женски вокални групи.