Во Градската библиотека „Браќа Миладиновци“ – Скопје денеска (петок, 4 април) во 19:00 часот ќе се одржи разговор со писателот и преведувач Владимир Јанковски, чиј роман „Ехото на акробатите“ е книга за месец април во сите библиотеки од мрежата на ГБСК. Разговорот со Јанковски, книгата на месецот и клубот на читатели се препознатливите елементи на големата кампања „Читаме современи македонски автори“.
Разговорот ќе го води Александра Јуруковска, а фрагменти ќе чита актерот Андреј Серафимовски.
Јанковски за оваа книга ја доби наградата „Пегаз“ за најдобар необјавен роман во 2024 година, признание што го доделува издавачката куќа „Арс Ламина“.
Градската библиотека „Браќа Миладиновци“ – Скопје за кампањата „Читаме современи македонски автори“ го доби признанието „Промотор на читачката култура за 2024“ што го доделува Македонската асоцијација на издавачи (МАИ).