Денеска почина Ристо Стефановски, долгогодишен директор на Драмски театар Скопје, театролог, театарски работник и театарски историчар. Под негово раководство, Драмски театар Скопје го остварува најголемиот подем потврден од најпрестижните театарски фестивалски награди и признанија.
Од 1983 година Ристо Стефановски е генерален директор на Македонскиот народен театар во Скопје. Автор е на бројни книги од областа на театарската дејност, а добитник е на мноштво награди, меѓу кои и Одликување на Француската влада.