ПОЛИТИКА ЗА КВАЛИТЕТ
Мисија:
Преку реализацијата на своите планови и проекти и преку интензивната промоција на нивните продукти, целта на Министерството за култура и туризам е да ја моделира перцепцијата на граѓаните на Република Северна Македонија и на граѓаните на светот за современата македонска култура, за нејзините придружни културни ентитети и за македонското културно минато. Исто така, заради реализација на културната политика, Министерството за култура и туризам тргнува од можноста за пошироко сфаќање на културата како начин на живеење во кој луѓето, потпирајќи се на традицијата, креативно ја надградуваат актуелната реалност со нови остварувања и вредности со кои се унапредуваат човековите права и слободи.
Визија:
Оформување модел кој ќе овозможи препознавање, признавање и опстанок на македонската култура со сите нејзини елементи и богатства.
Политиката за квалитет на Министерството за култура и туризам се базира врз следните основни начела:
- Создавање клима која ќе поттикне творечко и економски рентабилно остварување на културните проекти кои се од непроценливо значење за културниот идентитет на Република Северна Македонија и за сите нејзини единки од мултикултурното општество;
- Соодветно управување и ревитализација на одредени видови на културното наследство заради социоекономски развој на национално и на локално ниво;
- Афирмација на националната култура во земјите од регионот, од ЕУ и од светот;
- Следење, анализа и креирање политики во туризмот;
- Почитување на важечките законски прописи и барања;
- Квалитетни, навремени и одговорни услуги кон корисниците на услугите на Министерство за култура и туризам како што се физички и правни лица и институции;
- Континуирана едукација на персоналот, зајакнување на одговорноста на вработените и развивање на партнерски односи со сите заинтересирани страни;
- Постојано усовршување на процесите и континуирано унапредување на Системот за менаџмент со квалитет согласно барањата на стандардот ISO 9001:2015;
- Обезбедување на здрава работна средина и тренинг за потикнување на свеста на вработените за заштита на животната средина;
Политиката за квалитет е достапна на јавноста и претставува обврска за сите вработени.
Дата 10.12.2024
МИНИСТЕР
Зоран Љутков