Во чест на Втори април – Светскиот ден на литературата за деца, НУ Библиотека „Григор Прличев“ организира интересен интерактивен настан во кој се споени литературата и цртањето.
Гостинка ќе биде поетесата Светлана Каланоска-Котевска од Охрид, а во рамките на настанот ќе бидат промовирани нејзините стихозбирки за деца: „Убава е природата со жуборот на водата“ и „Да растеме заедно“, во издание на Библиотеката во 2024 година. Претходно во рамките на промоцијата ќе се одржи и ликовна работилница.
Инаку 2 Април, Денот на литературата за деца, за првпат бил прославен во 1967 година, а оттогаш секоја година во светот се промовира љубовта кон читањето кај децата и се нагласува важноста на книгите. Датумот го означува и роденденот на Ханс Кристијан Андерсен, прочуениот дански автор, познат по делата „Грдото Пајче“, „Малата сирена“, „Девојчето со кибритчиња“ и многу други.