Здружението за култура и уметност „Артистико“ – Скопје од денеска до 6 април го организира 7. Меѓународен фестивал за кларинети „Кларифест – Скопје 2025“.
Фестивалот ќе биде отворен вечер во 18 часот во КИЦ – Скопје (Салон 19.19) со концерт на ученици и студенти од музичките училишта и факултети во државава.
Фестивалот ќе се состои од семинари и концерти за кларинет, а гости оваа година ќе бидат професорите и интернационални солисти на кларинет Николај Фафер од Германија и Габор Варга од Унгарија. Со нив ќе има дводневни семинари за кларинет што ќе бидат од отворен тип.
В недела, 6 април, фестивалот ќе биде затворен со камерен концерт на кој ќе настапат гостите солисти од Германија и од Унгарија, со пијано-придружба на македонската пијанистка Елена Атанасовска-Ивановска. Завршниот концерт ќе се одржи во КИЦ – Скопје (Салон 19.19) од 20 часот.
Влезот за двата концерта е бесплатен.