Министерството за култура на Република Северна Македонија информира дека Сојузното министерство за надворешни работи на Република Австрија распиша Конкурс за финансирање проекти за меѓукултурен дијалог (Intercultural Achievement Award) во областа на културата и уметноста.
На Конкурсот може да аплицираат институции и поединци со иновативни проекти кои би биле афирмативни за меѓукултурниот и меѓурелигискиот дијалог и соработка. За наградените проекти ќе бидат доделени финансиски средства во износ од 6 000 до 10 000 евра.
Повеќе информации за категориите и условите за аплицирање за сите заинтересирани се достапни на следниве линкови: https://www.bmeia.gv.at/en/the-ministry/press/news/2023/01/apply-now-for-the-2023-intercultural-achievement-award/ и http://www.intercultural-achievement.com/.
Нагласуваме дека рокот за поднесување на апликациите е најдоцна до 15 март 2023 година на следнава e-адреса: dialogue@bmeia.gov.at.