Заменик-министерот за култура на Република Северна Македонија, Даим Лучи, денеска престојуваше во Приштина, Република Косово, каде што оствари средба со министерот за култура Хајрула Чеку.
![](https://kultura.gov.mk/wp-content/uploads/2022/05/Kosovski-minister-2-1024x681.jpg)
На средбата во Министерството за култура се разговараше за значењето на заедничката соработка во делот на заштитата на културното наследство на Музејот на албанската азбука во Битола, за иницирање и координација на повеќе заеднички културни активности, како и за координација во повеќе други сегменти од областа на културата, со што дополнително ќе се зацврстат односите меѓу двете земји.
Беше договорена и континуирана меѓуинституционална комуникација во интерес на вистинските културни вредности.