Во чест на виртуозот на виолина Климе Садило дренеска 21 јуни, „Чалгија саунд систем“ ќе одржи концерт пред платото од Центарот за култура „Григор Прличев“ во Охрид. Концертот е дел од проектот „Заборавениот звук – во спомен на Климе Садило“, во организација на здружението „Арт вивенди“.
Присутните ќе можат да ја погледнат и изложбата со фотографии од Садило со тајфата, реализирана со поддршка на Оливера Мишева и НУ Заводот и Музеј Охрид.
Инаку, Климе Садило е претставник на македонската чалгиска традиција, што како културно добро најинтензивно била негувана во македонските градски средини, претежно во 19 и во 20 век.
Покровител на настанот е Министерството за култура.