По повод 150 години од раѓањето на Гоце Делчев, во Музејот на македонската борба денеска беше отворена изложбата „150 години од раѓањето на Гоце Делчев (1872 – 2022)“.
![](https://kultura.gov.mk/wp-content/uploads/2022/02/Goce-Delcev-izlozba-2-1024x682.png)
На отворањето на изложбата, на која Државниот архив претставува материјали што нашата јавност може да ги види за првпат, присуствуваше и министерката за култура Бисера Костадиновска-Стојчевска.
![](https://kultura.gov.mk/wp-content/uploads/2022/02/Goce-Delcev-izlozba-3-1024x682.png)
Изложбата, чиј покровител е претседателот Стево Пендаровски, содржи архивски документи и фотографии што го прикажуваат ликот и делото на Делчев од повеќе аспекти, а најмногу како идеолог и организатор на македонското националноослободително движење од крајот на 19 и почетокот на 20 век.