На сцената на Националната опера и балет вечер ќе биде изведено оперското ремек-дело „Турандот“ од Џакомо Пучини како дел од програмата на 53. издание на фестивалот „Мајски оперски вечери“.
Диригент е Џанлука Мартиненги од Италија, режијата, сценографијата и костимографијата се дело на светски реномираниот режисер Џанкарло дел Монако, чие име е синоним за врвни оперски продукции, додека под кореографијата се потпишува Саша Евтимова. Концерт-мајстор e Јане Бакевски, a хор-мајстори се Ѓургица Дашиќ и Јасмина Ѓорѓеска.