Во целосно реконструираната сала на НУ Центар за култура „Бели мугри“ во Кочани, публиката ќе присуствува на премиерата на новиот македонски филм „Преекспонирано“ од Елеонора Венинова. Министерството за култура инвестираше 20 милиони денари за реновирањето на салата, а претходно беше реконструирана и фасадата на Центарот за култура.
Со овие зафати, обезбедени се достојни услови за работа на уметниците од Кочани, а публиката доби атмосфера која само ќе придонесе културните содржини што ги негува Центарот, како: кинопроекции, промоции, изложби, музички и драмски перформанси, да го добијат вниманието што го заслужуваат.