В четврток, 27 август, во 20 ч. во манастирскиот комплекс „Св. Атанасиј и Пресвета Богородица“ во с. Лешок ќе започне еден од најпознатите фолклорни фестивали во земјава, „Лешочки фолк-фест“.
Оваа година на фестивалската сцена ќе настапат голем број звучни имиња од македонската естрада, како: Душко Георгиевски, Сузана Спасовска, Дарко Билбиловски, Ванчо Тарабунов и уште многу други врвни македонски музичари.
Македонската публика ќе има уникатна можност да ужива во дури 20 нови композиции кои ќе ја разубават атмосферата на фестивалот со нови премиерни рефрени и нов звук.
