„Имерзивна трансформација на глаголицата“ е насловот на изложбата од дизајнерот и уметник Лазе Трипков поставена во Музејот на современата уметност во Скопје. Кураторка на изложбата е Ленка Сикорова од Чешка, а ко-куратор Владимир Јанчевски од МСУ.
Во Скопје проектот за првпат е поставен во неговиот целосен обем – од традиционалниот печатен плакат, преку тродимензионални објекти и видеоанимации, до интерактивна и имерзивна дигитална средина.
Изложбата која е отворена за посетителите до 05.09.2026 се реализира со поддршка на Министерството за култура и туризам.
