Во Чифте амам утре во 19 часот ќе биде отворена изложбата „Пресек“ на мултимедијалната уметница Ирена Паскали.
Изложбата претставува селекција од творештвото на Паскали и го одбележува нејзиното 30-годишно уметничко дејствување. Во нејзината работа се застапени фотографија, видео, цртеж, експериментален филм и перформанс, со фокус на човекот, идентитетот и општествените прашања.
Паскали има реализирано повеќе самостојни изложби и учествувала на многубројни меѓународни изложби, а е добитник и на повеќе меѓународни стипендии и награди.
Изложбата е дел од програмата на Националната галерија за 2026 година и е поддржана од Министерството за култура и туризам и германскиот ИФА. Ќе биде отворена до 22 октомври.
