Со аудиовизуелна презентација водена од Тошо Филиповски, со обемен видео- и фотоматеријал, вечерва белградската публика ќе има ретка можност да присуствува на програма посветена на историјата на македонската рок-музика и рок-култура.
Вечерта посветена на македонската рок-музика е поддржана од Министерството за култура и туризам, а настанот ќе го отвори директорот на КИЦ во Белград, Васко Шутаров.
Изложбата на постери и плакати што е дел од овој музички настан, посетителите на КИЦ во Белград ќе може да ја разгледаат до крајот на октомври.
